عید قربان پیشاپیش مبارک

قــوربان! قــوربانه ن، جـــه ژنه ن ، شادییـه ن

ده س نه گـــه رده نـــه ن، ڕۆی ئــازادییــــه ن 

هه ی ده س بۆس ده س بۆس وه ش نیگارانه ن 

خــــه یر، پــا بــۆس پا بــۆس خـاتــر دارانــه ن

 کـــۆن کوشتــی و ، باردێی گوڵ‌ جه مینانه ن 

هه ی سه ر، هه ی ئه رواح دڵ خه مینــانه ن 

هــه ر که س گیان وه که ف په ی نیگارێـوه ن 

هــــه ر یه ک قــــوربـــانیــی وه فــــادارێـــوه ن 

سیــــوای ســــه ودایـــی هه راسانــه کـه ت 

مــه حــرووم جـه که فته ی پای ئاسانه که ت 

نــه پــه ی چــه م ســورمه ی گه رد پاڵاته ن 

نــه پــه ی گیــان قــوربان بـــه ژن بـــاڵاتــه ن 

مــــه رد پــــه ی(‌ئۆسا ده ی)‌بێ‌درێغـه که ت 

بســــم الله ته کبیــــر ده س بــه تێغــه که ت 

په ی قوربان که رده ی ناڵه ی نه ی ڕه نگ به ی 

چێش مبۆ ئه ربه ی؟ وه ی په ی مــن ئه ر نه ی 

ســـــا تــــۆیچ مــــن وه ره ، وه قـــوربانـی کـه 

مــــــن وه قـــــوربــانیـــی ڕای ڕه بــانی کـــه 

ئه وسا تۆیچ په ی وێت خــه یرێت کـه رده بۆ 

منیـــــچ کــــه متــــه ر زووخ ده ردم وه رده بۆ 

مــــه عــدوومیـــی به د به خت نا ته مامه نی 

ڕاســـه ن بێ ده وڵــه ت خـــه یاڵ خامـه نی 

قــــوربانی مشیــــۆ جـــه عـــه یب بـه ری بۆ 

فیـــــدایـــی پــه ســه ند ڕای دڵبــــه ری بـۆ 

تــۆ ‌پاشکستــه ی به ردی هــه رده ی ده رد 

چه م کۆر مه ینه ت، ته ن زایف  ، ‌ڕه نگ زه رد 

خـــــه یاڵێت کـــــه رده ن جــــه ڕووی نادانی 

چ لایـــق وه تــــۆن  ڕوتبــــــه ی قــــوربــانــی

                                                                                                   مولوی کورد